LANSAMENTU LIVRU & UMA PUBLIKASAUN TIO

Ofisialmente TIO PUBLISHING lansa ba públiku, uma publikadór no editór foun iha Timor-Leste, baze iha Bemori – Díli, obra no inisiativa husi timoroan ba timoroan. Hamutuk publikasaun dahuluk husi livru lima (5), haat husi autor timoroan no ida livru tradusaun husi inglés. Espera katak, ho ida-nee bele hafanu maluk sira hotu nia espíritu no paixaun iha literatura hodi bele dezenvolve diak liutan literatura iha ita-nia sosiedade.

Ba Eventu ida-nee nia susesu, hakarak AGRADESE ba Suporta tomak husi:

1. Timor Plaza at Dili Central oferese ona espasu, atendimentu, prémiu ba estudante kompetitor sira nomos fasilidade sira hotu. Espera bele iha kontinuasaun servisu hamutuk neebe diak liutan ba futuru.

2. Ba Moderador no Orador nain rua neebe fasilita ona diskusaun badak konaba literatura iha kontekstu Timor-Leste nian, ba señor Felix Piedade, nuudar Embaixador Leitura Great bookshop nian. Señor Manuel Mendonça Araújo, Diretor Departamentu Língua Ingleza – ISJB, nomos señora Rosa da Costa Tilman, Diretora Institutu Nasional Linguístika.

3. Plan International Timor-Leste neebe suporta ona Fundus ba Prémiu neebe mak oferese ba estudante manan-nain sira iha kompetisaun “Hakerek Istoria Badak”.

4. Juri nain tolu neebe sai ona hanesan Panelista ba kompetisaun “Hakerek Istoria Badak”, señor Pascoal Soares Madeira, señora Laura Cardoso da Silva nomos señora Mariani Vicente.

5. Ba kolega sira husi organizasaun Timor-Leste Youth for Peace – TLYFP, ba suporta no apoiu forsa lojístika iha eventu ida-nee.

6. Autor nain hat neebe ho espíritu no pasiensia kria ona obra literaria hirak-nee, mana Andrea Hilaria Li , mana Lena Mafalda , Maun Marcelo Amaral Mali nomos Maun Mario de Oliveira Pires. Ba pesoal tradutor livru IKIGAI. Maun Silvino Neves, mana Lena Mafalda nomos revizor ikus señor Ricardo Antunes.

7. Ikus liu, ba konvidadus no komunidade sira hotu neebe marka prezensa iha loron refere, agradese teb-tebes ba entuziasmu no apoiu sira hotu.

Mai ita hamutuk, tulun-malu hodi haburas no promove literatura iha ita-nia sosiedade, kontribui ba dezenvolvimentu Timor-Leste nian.

Center Court, Timor Plaza 02/05/2025